SPD Eckpunkte Kommunalpolitik 2011
Eckpunkten för de Politik von de SPD in´n Landkreis Osterholt:
De Politik von de SPD hollt sick an de Grundwerte von Freeheit Gerechtigkeit un Solidarität. Desterwegen gehört de Gerechtigkeit för alle Minschen, un dat se all desülbe Schangs kriegt, dat se överall dulded un anerkannt weerd, also Demokratie, to de wichtigen Punkten von de sozialdemokratische Politik in us Land, wovon wi ok nie aflaaten wüllt.
Mit düsse Wiespahlen (Wegweiser) in us Politik in usen Landkreis wüllt wi:
1. dat de Finanzkraft, de ja up jeden Fall nödig is, dormit us Gemeenden an´n Leven blievt, stärkt ward, un dat wi dorför sorgt, dat överall garantiert is, dat wi all Anspruch hefft up de sülben Anrechte an´t Leeven. De Sozialdemokraten verlangt, dat dat Geld wat de Stüern us inbringt, up jeden Fall anners verdeelt warden mööt, so dat de Gemeenden mehr darvon afkriegt. Un denn mööt se sik ok mehr an de Regel hollen, dat: “wer de Gesetze maakt, de mutt se ok betahlen”.
2. Wi verlangt, dat de Kinner bi Tieden fördert weerd mit een wirksamet Förderungsangebot, dat de Öllern keen Geld darfor betahlen mööt , un dat jem ok wenn se Kinner hefft, noch Tied för ehren Beruf blieven deit.
3. wi verlangt de bestmögliche Utbildung för uuse Kinner mit Grundschoolen, de nich so wiet weg von´t Öllernhuus liegt (korte Wege för korte Beene!). Aver ok hochwertige högere Schoolen, so dat de Öllern in usen Landkreis sik free för Gymnasium oder Gesamtschool entscheiden köönt.
4. in de Politik mööt wi darför sorgen, dat Arbeits- un Utbildungsplätze dör een aktive Wirtschafts un Sozialpolitik up Duur tostanne kaamt. Sozialdemokraten kämpft för een gesetzlichen Mindestlohn mit dat Prinzip “gleicher Lohn für gleiche Arbeit” ok för Leiharbeit un för dat “Tariftreuegesetz”, dat meent Garantie för tarifiche Betahlung, wenn de Behörden Arbeit to vergeven hefft.
5. us natürlichen Lebensgrundlagen mööt bestahn blieven, un wi mööt so gau as möglich up de regenerative Energiegewinnung umstellen. Wi unnerstützt dat Projekt “Energiewende 2030” in usen Landkreis, un ok de dauerhafte Afschaltung von dat AKW Unterweser so as ok den Utstieg ut de Atomenergie.
6. use Antwurt up den demografischen Wandel is een Doppelstrategie: sowohl gegenan stüern as ok anpassen. Gegenan stüern, dat meent, dat wi de hooge Levensqualität in us Gemeenden uprecht hollen wüllt, vör allen ok för de jungen Familien. Anpassen dormit, dat wi mehr de Bedürfnisse von de öllern Minschen in us Politik berücksichtigt, so as in de Bereiche soziale Infrastruktur, Wohnen, Mobilität un Pleege.
7. wi wüllt, dat dat bürgerschaftliche Engagement, wat een wesentlichet Element von de Kommunalpolitik is, unnerstützt ward. Parallel to dat traditioelle Ehrenamt in de Vereine un Verbände ward dat bürgerliche Engagement in de Gruppen, Projekten un Initiativen, de nich vereinsmäßig organisiert sünd, jümmer stärker. De Sozialdemokraten unnerstützt dat gemeinwohlorientierte bürgerschaftliche Engagement in jeder Form un sett sik in för transparente Entscheidungen von de Politik un de Verwaltung.
